Սլովենիայում Դեբելի Ռտիչ վերականգնողական կենտրոնն օգոստոսի 26-ից սեպտեմբերի 3-ը ընդունում է երեխաների՝ Հայաստանի սահմանամերձ բնակավայրերից
1 րոպեի ընթերցում
![Սլովենիայում Դեբելի Ռտիչ վերականգնողական կենտրոնն օգոստոսի 26-ից սեպտեմբերի 3-ը ընդունում է երեխաների՝ Հայաստանի սահմանամերձ բնակավայրերից](http://armenpress.am/resized/480/static/news/b/2023/08/1118198.jpg)
ԵՐԵՎԱՆ, 28 ՕԳՈՍՏՈՍԻ, ԱՐՄԵՆՊՐԵՍ: Սլովենիա աշխատանքային այցի շրջանակներում Հայաստանի Հանրապետության արտաքին գործերի նախարար Արարատ Միրզոյանն օգոստոսի 27-ին այցելել է Դեբելի Ռտիչ վերականգնողական կենտրոն:
Ինչպես «Արմենպրես»-ը տեղեկանում է ՀՀ ԱԳՆ-ի տարածած հաղորդագրությունից, նՍլովենիայի ԱԳՆ պետքարտուղար Սամուել Ժբոգարի ուղեկցությամբ նախարար Միրզոյանը ծանոթացել է կենտրոնի գործունեությանը, նախաձեռնություններին և հայ երեխաների համար նախատեսված ծրագրին:Ներկա էին նաև Սլովենիայում Ավստրիայի դեսպանը և Սլովենիայի Կարմիր խաչի ներկայացուցիչը:
Սլովենիայի «Մարդու անվտանգության խթանում» (ITF) կազմակերպության, Սլովենիայի արտաքին և եվրոպական հարցերի նախարարության և ԵԱՀԿ-ում Ավստրիայի մշտական ներկայացուցչության աջակցությամբ իրականացվող ծրագրի շրջանակներում կենտրոննօգոստոսի 26-ից սեպտեմբերի 3-ը ընդունում է 17 երեխա Հայաստանի սահմանամերձ բնակավայրերից:
Ծրագիրն իրականացվում է ի շարունակություն 2022 թ. աշնանը կենտրոնի կողմից իրականացված՝«Լեռնային Ղարաբաղում զինված հակամարտությունից տուժած երեխաների հոգեբանական-սոցիալական վերականգնում» ծրագրի, որի արդյունքում 11 երեխա կենտրոնում անցել են բժշկական վերականգնողական ծրագիր: