396.76
Վրաստանում սողանքի հետևանքով զոհերի թիվը հասել է 25-ի
1 րոպեի ընթերցում
ԵՐԵՎԱՆ, 14 ՕԳՈՍՏՈՍԻ, ԱՐՄԵՆՊՐԵՍ: Վրաստանի Ռաչա առողջարանային շրջանում տեղի ունեցած ավերիչ սողանքի պատճառով զոհերի թիվը հասել է 25-ի:
Ինչպես հաղորդում է «Արմենպրես»-ը, վկայակոչելով «ՌԻԱ Նովոստի»-ն, այս մասին լրագրողներին հայտնել են Վրաստանի ՆԳՆ նախարարությունից:
Ռաչայի Շովի գյուղում օգոստոսի 3-ին սողանք է եղել, ինչի հետևանքով քանդվել են կամուրջներ, վնասվել են ճանապարհներ, սողանքի գոտում նաև քոթեջներ են եղել: Ավելի քան 200 քաղաքացու տարհանումն իրականացվել է ՆԳՆ ուղղաթիռներով։
Տեղում աշխատում են ավելի քան 400 փրկարարներ և զինվորականներ։
Բաժանորդագրվեք մեր ալիքին Telegram-ում