1 րոպեի ընթերցում
ԵՐԵՎԱՆ, 7 ՕԳՈՍՏՈՍԻ, ԱՐՄԵՆՊՐԵՍ։ Հնդկաստանի տիեզերքի հետազոտությունների կազմակերպությունը (ISRO) հրապարակել է Լուսնի առաջին լուսանկարներն՝ արված Chandrayan-3 տիեզերանավի կողմից, որը Հնդկաստանի երրորդ անօդաչու լուսնային առաքելությունն է։ «Արմենպրես»-ի փոխանցմամբ՝ այս մասին հաղորդում է NDTV պարբերականը։
Խառնարաններով ծածկված Լուսնի մակերեսի լուսանկարներն արվել են, երբ տիեզերանավը օգոստոսի 5-ին մտել է Լուսնի ուղեծիր։
«Առաքելությունն առայժմ հարթ է ընթանում, և ISRO-ն ակնկալում է, որ «Վիկրամ» վայրէջք կատարող մոդուլը Լուսնի մակերևույթին փափուկ վայրէջք կկատարի օգոստոսի 23-ին», - նշված է հրապարակման մեջ։
The Moon, as viewed by #Chandrayaan3 spacecraft during Lunar Orbit Insertion (LOI) on August 5, 2023.#ISRO pic.twitter.com/xQtVyLTu0c
— LVM3-M4/CHANDRAYAAN-3 MISSION (@chandrayaan_3) August 6, 2023
Հաջողության հասնելու դեպքում Հնդկաստանը կդառնա առաջին երկիրը, որը Լուսնի հարավային բևեռում կկատարի կառավարվող փափուկ վայրէջք։
Իսկ ընդհանրապես Լուսնի մակերևույթին փափուկ վայրէջք մինչ այս կատարել են ԱՄՆ-ն, նախկին ԽՍՀՄ-ն և Չինաստանը։