Հունական ևս 2 կղզում անտառային հրդեհների պատճառով տարհանում է հայտարարվել

1 րոպեի ընթերցում

ԵՐԵՎԱՆ, 24 ՀՈՒԼԻՍԻ, ԱՐՄԵՆՊՐԵՍ։ Հունական Հռոդոս, Կորֆու և Էվիա կղզիներում մոլեգնող անտառային հրդեհների պատճառով հազարավոր մարդկանց են տարհանում։ Ըստ Կորֆու կղզու իշխանությունների՝ միաժամանակ սկսվել է 4 հրդեհ․ ենթադրվում է, որ դրանք հրկիզումների հետևանք են։ «Արմենպրես»-ի փոխանցմամբ՝ այս մասին BBC-ին հայտնել է Հյուսիսային Կորֆուի փոխքաղաքապետը։

Այժմ հրդեհների մեծ մասը վերահսկողության տակ է վերցվել։ Դրանց մարման գործում ներգրավված են հրշեջ ինքնաթիռներ։ Կղզուց գրեթե 2500 մարդ է տարհանվել ծովային ճանապարհով։

Էվիա կղզում տարհանվել են 4 գյուղերի բնակիչներ՝ որպես նախազգուշական միջոցառում։

Իսկ Հռոդոս կղզում անտառային հրդեհները մոլեգնում են անցյալ շաբաթվանից։ Կղզուց արդեն 19 հազար մարդ է տարհանվել։ Ըստ իշխանությունների՝ սա Հունաստանում անտառային հրդեհների պատճառով իրականացված ամենալայնածավալ տարհանումն է։

Ավիաընկերություններն ու զբոսաշրջային ընկերությունները փորձում են զբոսաշրջիկներին տարհանել Հռոդոսից։ Որոշ ավիաընկերություններ չեղարկել կամ հետաձգել են առաջիկա օրերի թռիչքները դեպի կղզի։

Վերջին օրերին Եվրոպայում տապի ալիքի պատճառով Հունաստանում ջերմաստիճանը գերազանցել է 40 C-ը։

Հայերեն Русский

Վահան Կոստանյանը հանդիպել է Պաղեստինի արտաքին գործերի և սփյուռքի նախարարի հետ

Լևոն Աբրահամյանը՝ Հայաստանի նկարիչների միության նոր նախագահ

Իրանի դեմ վերջերս տեղի ունեցած երկու պատերազմների ընթացքում զոհվել է առնվազն 428 երեխա և դեռահաս

Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ

ԻՀՊԿ-ն հայտնել է Հորմուզի նեղուցի մոտակայքում 58-րդ ամերիկյան MQ-9 ԱԹՍ-ը խոցելու մասին

Հայաստանում կստեղծվի կիբեռանվտանգության կամպուս. ծրագիրը կիրականացվի Ֆրանսիայի և ԵՄ-ի աջակցությամբ

Կայացավ ՀՆՄ 21-րդ համագումարը

Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն

Հունաստանի ամենահեղինակավոր Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես

«Վայլդբերրիզ» ՍՊԸ-ի գլխավոր տնօրենի փոփոխությունը չի ազդում ընկերության գործառնական գործունեության վրա