Ղրիմի Ջանկոյի շրջանի զինամթերքի պահեստին ԱԹՍ-ներ են հարվածել. մերձակա գյուղերը տարհանվում են

1 րոպեի ընթերցում

ԵՐԵՎԱՆ, 24 ՀՈՒԼԻՍԻ, ԱՐՄԵՆՊՐԵՍ: Ղրիմի Ջանկոյի շրջանի զինամթերքի պահեստին անօդաչու թռչող սարքերի հարվածից հետո մի քանի գյուղերի բնակիչների տարհանում են ժամանակավոր օթևաններ։ «Արմենպրես»-ի փոխանցմամբ՝ այս մասին հայտնել է տարածաշրջանի ղեկավար Սերգեյ Ակսյոնովը։

«Որոշում է կայացվել Ջանկոյի շրջանում արտակարգ պատահարի վայրից 5 կմ շառավղով մերձակա գյուղերի բնակչությանը ժամանակավոր տեղավորման կենտրոններ տարհանելու մասին», - գրել է Ակսյոնովն իր Telegram ալիքում։

Տարածաշրջանի ղեկավարը նաև հավելել է, որ ըստ նախնական տեղեկատվության՝ տուժածներ չկան։

Այս գրառումից րոպեներ առաջ Ակսյոնովը հայտնել էր, որ Ղրիմի երկնքում հակաօդային պաշտպանության ուժերի կողմից խոցվել և ռադիոէլեկտրոնային պայքարի միջոցներով ճնշվել է ուկրաինական 11 ԱԹՍ։ Ըստ պաշտոնյայի՝ անօդաչուներից մեկը հարվածել է Ջանկոյի շրջանում գտնվող ռազմամթերքի պահեստին, իսկ ԱԹՍ-ների բեկորները Կիրովի շրջանում վնասել են մասնավոր տուն:

Ըստ РБК պարբերականի՝ Ջանկոյի շրջանում դադարեցվել է երկաթուղային հաղորդակցությունը, ինչպես նաև Ջանկոյ-Սիմֆերոպոլ ավտոմայրուղով երթևեկությունը:

Հայերեն Русский

Վահան Կոստանյանը հանդիպել է Պաղեստինի արտաքին գործերի և սփյուռքի նախարարի հետ

Լևոն Աբրահամյանը՝ Հայաստանի նկարիչների միության նոր նախագահ

Իրանի դեմ վերջերս տեղի ունեցած երկու պատերազմների ընթացքում զոհվել է առնվազն 428 երեխա և դեռահաս

Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ

ԻՀՊԿ-ն հայտնել է Հորմուզի նեղուցի մոտակայքում 58-րդ ամերիկյան MQ-9 ԱԹՍ-ը խոցելու մասին

Հայաստանում կստեղծվի կիբեռանվտանգության կամպուս. ծրագիրը կիրականացվի Ֆրանսիայի և ԵՄ-ի աջակցությամբ

Կայացավ ՀՆՄ 21-րդ համագումարը

Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն

Հունաստանի ամենահեղինակավոր Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես

«Վայլդբերրիզ» ՍՊԸ-ի գլխավոր տնօրենի փոփոխությունը չի ազդում ընկերության գործառնական գործունեության վրա