Կապիտալ նորոգման են ենթարկվում Ակունքի միջնակարգ դպրոցի մարզադահլիճը եւ նիստերի դահլիճը

ԳԱՎԱՌ, 19 ՀՈՒԼԻՍԻ, ԱՐՄԵՆՊՐԵՍ։ Գեղարքունիքի մարզի Վարդենիս համայնքի Ակունք գյուղում կապիտալ նորոգման են ենթարկվում մարզադահլիճի եւ նիստերի դահլիճի մասնաշենքերը։

Ինչպես «Արմենպրես»-ին տեղեկացրին Գեղարքունիքի մարզպետի աշխատակազմի քաղաքաշինության, հողաշինության եւ ենթակառուցվածքների կառավարման վարչությունից, ծրագիրն իրականացվում է ՀՀ պետբյուջեի միջոցներով եւ ՀՀ քաղաքաշինության կոմիտեի պատվերով։ Շինարարության պայմանագրային արժեքը կազմում է 220 միլիոն դրամ։ Շինարարական աշխատանքները մեկնարկել են 2022 թվականի մայիսից եւ կավարտվեն 2023 թվականի վերջերին։ Ծրագրով նախատեսվում է դպրոցի մարզադահլիճի եւ նիստերի դահլիճի հին տանիքի եւ ծակի քանդում, հիմքերի եւ պատերի ամրացում, հանդերձարանների կառուցում, ներքին հարդարման աշխատանքների իրականացում։ 2023 թվականի հուլիսի 18-ի դրությամբ շինարարական աշխատանքներն այստեղ ավարտվել են շուրջ 50 տոկոսով։

Շինաշխատանքների մշտադիտարկման անցկացման նպատակով վերջերս Ակունքի միջնակարգ դպրոցի շինհրապարակ է այցելել Գեղարքունիքի մարզպետ Կարեն Սարգսյանը։

Խոսրով Խլղաթյան