Հայաստանը հետևողականորեն պահանջում է Ադրբեջանի կողմից Լաչինի միջանցքի ապօրինի արգելափակման վերացում. ԱԳՆ խոսնակ

ԵՐԵՎԱՆ, 17 ՀՈՒԼԻՍԻ, ԱՐՄԵՆՊՐԵՍ: Հայաստանը հետևողականորեն պահանջում է Ադրբեջանի կողմից Լաչինի միջանցքի ապօրինի արգելափակման վերացում, և դա արտացոլվում է նաև գործընկերների հետ բոլոր քննարկումներում:

Այս մասին «Արմենպրես»-ի հետ զրույցում նշել է ՀՀ արտաքին գործերի նախարարության մամուլի խոսնակ Անի Բադալյանը:

After @CIJ_ICJ reconfirmed its order on opening of #LachinCorridor, @ECHR_CEDH decided: its decision of 21.12.2022 remains in force & Azerbaijan is obliged to take all measures w/in its jurisdiction to ensure safe passage thrgh Corridor. Other intl actors should follow this line. https://t.co/YabWFsvzId

— Ani Badalyan, Spokesperson of MFA of Armenia (@ArmSpoxMFA) July 17, 2023

Ավելի վաղ Անի Բադալյանը թեմայի վերաբերյալ գրառում էր կատարել «Թվիթեր»-ում:

«Այն բանից հետո, երբ Արդարադատության միջազգային դատարանը վերահաստատեց Լաչինի միջանցքի բացման վերաբերյալ իր որոշումը, Մարդու իրավունքների եվրոպական դատարանը որոշեց՝ 2022 թվականի դեկտեմբերի 21-ի որոշումը մնում է ուժի մեջ, և Ադրբեջանը պարտավոր է ձեռնարկել իր իրավասության ներքո բոլոր միջոցները ապահովելու միջանցքով անվտանգ տեղաշարժը:

Այլ միջազգային դերակատարները պետք է հետևեն այս գծին»,-շեշտել էր Բադալյանը: