Տարածաշրջանային

Վրաստանի յուրաքանչյուր հինգ բնակչին մեկ ավտոմեքենա է բաժին ընկնում. նոր վիճակագրություն

1 րոպեի ընթերցում

Վրաստանի յուրաքանչյուր հինգ բնակչին մեկ ավտոմեքենա է բաժին ընկնում. նոր վիճակագրություն

ԵՐԵՎԱՆ, 13 ՀՈՒԼԻՍԻ, ԱՐՄԵՆՊՐԵՍ: Վրաստանի ներքին գործերի նախարարությունը հայտնել է, որ 2023 թվականի վեց ամսում մարդատար ավտոմեքենաների թիվն աճել է 4,4%-ով։ Գերատեսչության տվյալներով՝ 2023 թվականի հունիսի 30-ի դրությամբ Վրաստանում ակտիվ կարգավիճակ ունեցող գրանցված մարդատար ավտոմեքենաների թիվը կազմել է 667 800, մինչդեռ 2023 թվականի հունվարի 1-ի դրությամբ Վրաստանում եղել է 639 700 մարդատար ավտոմեքենա։ Այդ մասին «Արմենպրես»-ը տեղեկանում է Sputnik գործակալության վրացական ծառայությունից:

Վրաստանի բնակչությունը կազմում է ավելի քան 3,7 միլիոն․ այսպիսով, Վրաստանի յուրաքանչյուր հինգ բնակչին բաժին է ընկնում մեկ ավտոմեքենա։ Ըստ որում, 2023 թվականի առաջին եռամսյակի ցուցանիշների համեմատությամբ՝ ավտոմոբիլների քանակի աճը երկրորդ եռամսյակում կազմել է 1,5%։

Ավտոմոբիլների ընդհանուր թվի մեկ երրորդը գրանցված է Թբիլիսիում։ Ըստ որում, 2023 թվականի հունվարի 1-ից մինչև մարտի 31-ը մայրաքաղաքում հաշվառված ավտոմեքենաների թիվն աճել է 8%-ով և կազմել 198 800:

Վրաստանում երթևեկող բոլոր մարդատար ավտոմոբիլների 93,6%-ը հաշվառված է ֆիզիկական անձանց անունով: Վրաստանում ընկերություններին է պատկանում սոսկ 41 700 ավտոմեքենա:

Տեղադրություն

AREMNPRESS

Հայաստան, Երևան, 0002, Մարտիրոս Սարյան 22

+374 11 539818

contact@armenpress.am

fbtelegramyoutubexinstagramtiktokspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում