ՌԴ իրավիճակի հետագա զարգացմանը զուգընթաց ԱՄՆ-ն կպահպանի սերտ համակարգում G7-ի դաշնակիցների հետ
1 րոպեի ընթերցում
![ՌԴ իրավիճակի հետագա զարգացմանը զուգընթաց ԱՄՆ-ն կպահպանի սերտ համակարգում G7-ի դաշնակիցների հետ](http://armenpress.am/resized/480/static/news/b/2023/06/1114066.jpg)
ԵՐԵՎԱՆ, 24 ՀՈՒՆԻՍԻ, ԱՐՄԵՆՊՐԵՍ։ Միացյալ Նահանգները կպահպանի սերտ համակարգում G7-ի դաշնակիցների և գործընկերների հետ՝ ՌԴ իրավիճակի հետագա զարգացմանը զուգընթաց: «Արմենպրես»-ի հաղորդմամբ՝ «Թվիթեր»-ի իր էջում այս մասին գրել է ԱՄՆ պետքարտուղար Էնթոնի Բլինկենը:
«Հունիսի 24-ին զրուցել եմ G7-ի արտաքին գործերի նախարարների և ԵՄ արտաքին գործերի և անվտանգության քաղաքականության հարցերով Բարձր ներկայացուցչի հետ ՝ քննարկելու Ռուսաստանում առկա իրավիճակը: Միացյալ Նահանգները կպահպանի սերտ համակարգում դաշնակիցների և գործընկերների հետ՝ իրավիճակի հետագա զարգացմանը զուգընթաց»,- գրել է նա: