ԱՄՆ պետքարտուղարն ու Թուրքիայի ԱԳ նախարարն անդրադարձել են Հայաստան-Ադրբեջան հարաբերություններին
1 րոպեի ընթերցում
ԵՐԵՎԱՆ, 22 ՀՈՒՆԻՍԻ, ԱՐՄԵՆՊՐԵՍ: Անգլիայի մայրաքաղաք Լոնդոնում Թուրքիայի արտգործնախարար Հաքան Ֆիդանի և ԱՄՆ պետքարտուղար Էնթոնի Բլինքենի երկկողմ հանդիպման ժամանակ քննարկվել են Ուկրաինայում տիրող իրավիճակը, ՆԱՏՕ-ի ընդլայնումը, երկկողմ հարաբերությունները, ինչպես նաև անդրադարձ է կատարվել Հայաստան-Ադրբեջան հարաբերություններին:
Այս մասին, ինչպես հաղորդում է «Արմենպրես»-ը, հայտնում է թուրքական «Անադոլու» լրատվական գործակալությունը:
«Անադոլուն»-ն դիվանագիտական աղբյուրներին հղում կատարելով՝ նշում է, որ կողմերը Հայաստան-Ադրբեջան հարաբերությունների կարգավորումը քննարկվել են Հարավային Կովկասի զարգացումների համատեքստում:
Թուրքիայի ԱԳ նախարար Հաքան Ֆիդանը Լոնդոնում «Ուկրաինայի բարելավման 2023 կոնֆերանսի» շրջանակներում հանդիպումներ է ունեցել նաև այլ երկրների գործընկերների հետ: