Կուբայի նախագահը պաշտոնական այցով ժամանել է Փարիզ
1 րոպեի ընթերցում
![Կուբայի նախագահը պաշտոնական այցով ժամանել է Փարիզ](http://armenpress.am/resized/480/static/news/b/2023/06/1113851.jpg)
ԵՐԵՎԱՆ, 22 ՀՈՒՆԻՍԻ, ԱՐՄԵՆՊՐԵՍ: Կուբայի նախագահ Միգել Դիաս Կանելը Եվրոպայի երկրներ իր շրջագայության ընթացքում պաշտոնական այցով ժամանել է Փարիզ: «Արմենպրես»-ի փոխանցմամբ՝ այս մասին հաղորդվում է Կուբայի նախագահի Twitter-յան էջում։
«Նախագահ Միգել Դիաս Կանել Բերմուդեսը ժամանել է Ֆրանսիա, որտեղ հունիսի 22-ին և 23-ին կմասնակցի Նոր համաշխարհային ֆինանսական դաշնագրի հարցին նվիրված գագաթնաժողովին», - ասված է հաղորդագրության մեջ։
Կարիբյան պետության ղեկավարը միջոցառմանը կմասնակցի որպես «77-ի խումբ + Չինաստան» միավորման նախագահ:
Ավելի վաղ Դիաս Կանելն իր եվրոպական շրջագայության ընթացքում այցելել է Իտալիա, Վատիկան և Սերբիա՝ հանդիպելով երկրների ղեկավարների, ինչպես նաև Հռոմի պապ Ֆրանցիսկոսի հետ: