Ադրբեջանում զինծառայող է մահացել. շրջանառվում է ինքնասպանություն գործելու վարկածը

ԵՐԵՎԱՆ, 10 ՀՈՒՆԻՍԻ, ԱՐՄԵՆՊՐԵՍ: Ադրբեջանում զինծառայող է մահացել: «Արմենպրես»-ի փոխանցմամբ՝ ադրբեջանական լրատվամիջոցները գրում են պետական սահմանային ծառայության զինծառայող Ռահիլ Ահմեդովի մահվան մասին:

Ըստ լրատվամիջոցների՝ Ադրբեջանի զինվորական դատախազությունը հաստատել է դեպքը, նշվում է, որ պատճառը զենքի հետ անզգույշ վարվելն է: Սակայն տելեգրամյան ալիքներում շրջանառվում է տեղեկություն, որ զինծառայողն ինքնասպան է եղել: