Վենեսուելայի նախագահը պաշտոնական այցով ժամանել է Սաուդյան Արաբիա
1 րոպեի ընթերցում
![Վենեսուելայի նախագահը պաշտոնական այցով ժամանել է Սաուդյան Արաբիա](http://armenpress.am/resized/480/static/news/b/2023/06/1112519.jpg)
ԵՐԵՎԱՆ, 5 ՀՈՒՆԻՍԻ, ԱՐՄԵՆՊՐԵՍ: Վենեսուելայի նախագահ Նիկոլաս Մադուրոն պաշտոնական այցով ժամանել է Սաուդյան Արաբիա։ Այս մասին հաղորդում է «Արմենպրես»-ը՝ վկայակոչելով Վենեսուելայի ղեկավարի գրառումը Twitter-ում:
«Մենք շարունակում ենք մեր միջազգային օրակարգը Սաուդյան Արաբիայում», - գրել է Վենեսուելայի ղեկավարը՝ նաև տեղադրելով Սաուդյան Արաբիայի իշխանությունների հետ իր հանդիպման տեսանյութը:
#EnVivo | Continuamos con nuestra Agenda de Trabajo Internacional en Arabia Saudita. https://t.co/fh3kSmuAe1
— Nicolás Maduro (@NicolasMaduro) June 4, 2023
Ըստ տեսանյութի՝ Նիկոլաս Մադուրոն Սաուդյան Արաբիայի գահաժառանգ արքայազն Մուհամմեդ բեն Սալման Ալ Սաուդի և թագավոր Սալման բեն Աբդել Ազիզ Ալ Սաուդի հետ պետք է քննարկի «երկու էներգետիկ տերությունների միջև հարաբերությունների հետագա զարգացման հարցերը նավթաքիմիայի, գյուղատնտեսության, հաղորդակցության ուղիների և այլ բնագավառներում»:
Մադուրոն Սաուդյան Արաբիա է ժամանել Անկարայից, որտեղ մասնակցել է Թուրքիայի նախագահ Ռեջեփ Թայիփ Էրդողանի պաշտոնակալության արարողությանը: