Դյուրին որոշում չէր ԵՄ մոնիթորինգային առաքելություն Հայաստան հրավիրելը. Փաշինյան

2 րոպեի ընթերցում

ՊՐԱՀԱ, 4 ՄԱՅԻՍԻ, ԱՐՄԵՆՊՐԵՍ: Հայաստանը շահագրգռված է Եվրամիության հետ համագործակցության խորացմամբ:

«Արմենպրես»-ի փոխանցմամբ՝ այս մասին հայտարարեց ՀՀ վարչապետ Նիկոլ Փաշինյանը` Պրահայում «Հայաստանի ժողովրդավարական ուղևորությունն անհանգիստ տարածաշրջանում. Անվտանգության և կայունության անհրաժեշտություն» խորագրով քննարկմանը՝ անդրադառնալով ԵՄ-ի հետ համագործակցության մասին հարցին:

«Հայաստանն ընդհանուր առմամբ շատ նուրբ իրավիճակում է: Մենք շրջափակված ենք: Հայաստանի հետ կապված բազմաթիվ կասկածներ կան: Արևմուտքում շատերը մտածում են, թե մենք ռուսական պրոքսի երկիր ու կառավարություն ենք: Արևելքում էլ շատերը կարծում են, թե մենք արևմտամետ կառավարություն ենք՝ արևմտամետ քաղաքականությամբ»,-ասաց Փաշինյանը։

Վարչապետը նշեց, որ Հայաստանի որոշ հարևաններ լոբբինգ են իրականացնում այդ երկու դիրքորոշումների համար, գնում են Արևմուք, ասում, թե Հայաստանը ՌԴ-ի սերտ դաշնակիցն է և ցանկացած բան, որն անում են ընդդեմ ՌԴ-ի, պետք է անեն նաև ընդդեմ Հայաստանի, հաջորդ օրը թռչում են Մոսկվա ու ասում, որ Հայաստանի վարչապետը շատ սերտորեն համագործակցում է ԵՄ-ի հետ, ժողովրդավարական բարեփոխումների օրակարգ է իրագործում և, թե ՀՀ վարչապետը Հայաստանն Արևելքից շեղում է Արմուտք:

«Մենք հնարավորինս թափանցիկ ենք գործում և, իհարկե, շահագրգռված ենք խորացնել մեր համագործակցությունը ԵՄ-ի հետ: Եվ անկեղծ խոսենք՝ դյուրին որշում չէր ԵՄ մոնիթորինգային առաքելություն ՀՀ հրավիրելը, որովհետև դա անվտանգության որևէ երաշխիք չի տալիս, մի կողմից կարող է նոր մարտահրավերներ առաջացնել, իսկ մյուս կողմից մեզ համար շատ կարևոր է կենտրոնացած մնալ, որպեսզի պահպանենք միջազգային ուշադրությունը մեր տարածաշրջանի նկատմամբ»,-ասաց վարչապետը:

Փաշինյանը նշեց, որ Ուկրաինայի իրադարձություններից հետո միջազգային ուշադրությունը գրեթե ամբողջությամբ սևեռվել է Ուկրաինայի վրա: Եվ դա Հարավային Կովկասի տարածաշրջանում անկայունության հնարավորություն է ստեղծում:

Հայերեն English Русский

Արտաշատում բացվել է վերակառուցված ու վերազինված պոլիկլինիկա

Հիմնանորոգվել է Ախուրյան, Կառնուտ, Հովիտ, Բասեն և Ջրառատ բնակավայրերը կապող 14 կմ ճանապարհը

ԱԺ նախագահն ընդդիմությանը կոչ է արել չխոչընդոտել սահմանադրական հանրաքվեին և գլխավորել «Ոչ»-ի շտաբը

«Երևանյան բեսթսելեր». «Մայրական կաթ» գիրքն՝ առաջատար. թարգմանական. հոկտեմբեր, 2026

ՀՀ ԱԽ քարտուղարն ու Էստոնիայի դեսպանը քննարկել են համագործակցության խորացմանն առնչվող հարցեր

Հայաստանում հիմնվում է ռոբոտաշինության և ֆիզիկական արհեստական բանականության կենտրոն. ARCS-ai-ի նոր նախաձեռնությունը

Իրանի դեմ պատերազմը ԱՄՆ-ի համար արժեցել է 48 միլիարդ դոլար

Մի խոչընդոտեք սահմանադրական հանրաքվեի անցկացմանը. Ռուբինյանը հորդորով դիմեց ընդդիմությանը

ԱՄՆ Ազգային անվտանգության գործակալության գաղտնի ցանցն արդեն երրորդ օրն է՝ չի աշխատում. NBC News

Թրամփը համաձայն է Զելենսկու հետ, որ Ուկրաինայի մասին որոշումներն՝ առանց երկրի մասնակցության, անթույլատրելի են