388.4
Սաուդյան Արաբիայում ավտոբուսի վթարի հետևանքով կա առնվազն 20 զոհ
1 րոպեի ընթերցում
ԵՐԵՎԱՆ, 28 ՄԱՐՏԻ, ԱՐՄԵՆՊՐԵՍ: Առնվազն 20 մարդ է զոհվել, ևս 29-ը տարբեր աստիճանի վնասվածքներ ստացել Սաուդյան Արաբիայի հարավ-արևմուտքում գտնվող Ասիրի նահանգում տեղի ունեցած ճանապարհատրանսպորտային պատահարի հետևանքով։
Այդ մասին «Արմենպրես»-ը տեղեկանում Է ТАСС գործակալությունից: Al Ekhbariya հեռուստաալիքի տվյալներով՝ վթարը տեղի է ունեցել արգելակային համակարգի անսարքության պատճառով։ Ավտոբուսը, կորցնելով կառավարումը, բախվել է մարդատար մեքենայի, կողաշրջվել և բռնկվել։ Տուժածները տեղափոխվել են հիվանդանոց, որը գտնվում է Ուկբա Շիար բնակավայրում՝ վթարի վայրից ոչ հեռու։
Տուժածներից շատերը ստացել են լուրջ այրվածքներ, նրանց շտապ բուժօգնություն է ցուցաբերվել։ Ինչպես նշում Է հեռուստաալիքը, ավտոբուսն Ասիրի նահանգի Խամիս Մուշեյթից ուղևորվում Էր Մեքքա:
Բաժանորդագրվեք մեր ալիքին Telegram-ում
