Նազարբաևի եղբորը պարտավորեցրել են պետությանը վերադարձնել Ալմաթիի ծանր մեքենաշինական գործարանի 32%-ը

3 րոպեի ընթերցում

ԵՐԵՎԱՆ, 16 ՄԱՐՏԻ, ԱՐՄԵՆՊՐԵՍ: Ղազախստանի Գերագույն դատարանի քաղաքացիական գործերով դատական ​​կոլեգիան Բոլաթ Նազարբաևին (խմբ.՝ հանրապետության առաջին նախագահ Նուրսուլթան Նազարբաևի կրտսեր եղբայրն Է) պարտավորեցրել է պետությանը վերադարձնել «Ալմաթիի ծանր մեքենաշինական գործարան» բաժնետիրական ընկերության բաժնետոմսերի 31,9%-ը: Այդ մասին «Արմենպրես»-ը տեղեկանում Է «Интерфакс» գործակալությունից:

«Անվավեր ճանաչել Նազարբաև Բ.Ա.-ի և PLS-TM ՍՊԸ-ի միջև կնքված 2009 թվականի ապրիլի 2-ի արժեթղթերի առքուվաճառքի պայմանագիրը «Ալմաթիի ծանր մեքենաշինական գործարան» բաժնետիրական ընկերության սովորական անվանական բաժնետոմսերի վաճառքի վերաբերյալ, որոնք կազմում են կանոնադրական ֆոնդի 31,9%-ը։ Կողմերին բերել իրենց նախնական վիճակին», - ասվում Է կոլեգիայի որոշման մեջ։

Դատարանի որոշմամբ՝ Բոլաթ Նազարբաևը պետք է այս փաթեթը վերադարձնի պետական գույք՝ այն փոխանցելով ֆինանսների նախարարության պետական ​​ունեցվածքի և սեփականաշնորհման կոմիտեին։ Գործի նյութերի համաձայն՝ 1998 թ. փետրվարին Պետական ​​գույքի դեպարտամենտը գործարանի բաժնետոմսերի պետական փաթեթը (31,9%) 105,3 մլն թենգեով վաճառել է մասնավոր ներդրողին՝ «Տեմիր Կոն» ՍՊԸ-ին։

Առքուվաճառքի պայմանագիրը նախատեսում Էր գործարանի գործունեության պրոֆիլի պահպանման իրավունքը։ 2007 թվականի ապրիլին «Տեմիր Կոն» ՍՊԸ-ն ձեռնարկության բաժնետոմսերի 86,78%-ը (ներառյալ պետությունից գնված բաժնետոմսերի 31,9%-ը) վաճառել է Բոլաթ Նազարբաևին։ Երկու տարի անց պետական ​​գույքի կոմիտեն, «Տեմիր Կոն»ՍՊԸ-ն և Բոլաթ Նազարբաևը համաձայնագիր են ստորագրել դեռևս 1998 թվականին կնքված պայմանագրով նախատեսված պարտավորության հարցում անձանց փոփոխության շուրջ:

Փաստաթղթում նշվում էր, որ եթե Բոլաթ Նազարբաևը չկատարի պահանջները, ապա նա պարտավոր է կոմիտեին վերադարձնել բաժնետոմսերի պետական փաթեթը։ Բայց այս համաձայնագրի կնքումից հետո Բոլաթ Նազարբաևը գործարանի 398 246 սովորական բաժնետոմս, ներառյալ պետական փաթեթը, վաճառել Է PLS-TM ՍՊԸ-ին։ Որոշման մեջ նշվում է, որ Բոլաթ Նազարբաևն իրավունք չուներ այդ բաժնետոմսերն օտարել «PLS TM» ՍՊԸ-ին առանց կոմիտեի համաձայնության, հետևաբար, այս գործարքն անվավեր է։

Հայերեն Русский

Ռազմական ոստիկանության պետն աշխատանքային խորհրդակցություն է անցկացրել

Հրապարակվել են նոյեմբերի 29-ին կայանալիք ՏԻՄ ընտրությունների վերջնական ցուցակները

Հայաստանում առաջիկա օրերին սպասվում են տեղումներ, օդի ջերմաստիճանը զգալիորեն կնվազի

Արմավիրի մարզի մի շարք բնակավայրերում փորձարկվելու են էլեկտրական շչակներ

Փրկարարներն արձագանքել են քամու հետևանքով գրանցված դեպքերին

Վահան Կոստանյանը Նեապոլում հանդիպել է Իտալիայի խորհրդարանի արտաքին հարաբերությունների հանձնաժողովի նախագահի հետ

Ինչու են մայրամուտի և արևածագի ժամանակ ամպերը կարմիր կամ կարմրանարնջագույն երանգ ստանում․ մանրամասնում է Գագիկ Սուրենյանը

Հայաստանն ու Իրանը քննարկել են բարձր տեխնոլոգիաների ոլորտում համագործակցությունը զարգացնելու հեռանկարները

Հայաստանի ֆուտբոլի ֆեդերացիայի նախագահի պաշտոնի համար կպայքարեն Գևորգ Ղազարյանն ու Դենիս Ջորկաեֆը

Վարչապետն աշխատանքային նախաճաշ է ունեցել Digitec 2026-ին մասնակցող ՏՏ ոլորտի ընկերությունների ղեկավարների հետ