Հունաստանում գնացքներ են բախվել. կա 32 զոհ
1 րոպեի ընթերցում
![Հունաստանում գնացքներ են բախվել. կա 32 զոհ](http://armenpress.am/resized/480/static/news/b/2023/03/1105276.jpg)
ԵՐԵՎԱՆ, 1 ՄԱՐՏԻ, ԱՐՄԵՆՊՐԵՍ: Հունաստանի հյուսիսում երկու գնացքների բախման հետևանքով առնվազն 32 մարդ է մահացել, տասնյակ մարդիկ վիրավորվել են: Գնացքների բախումը տեղի է ունեցել Լարիսա քաղաքի մերձակայքում: Սալոնիկից Լարիսա մեկնող ուղևորատար գնացքը, որում եղել է շուրջ 350 ուղևոր, բախվել է բեռնատար գնացքին: Այս մասին հաղորդում է «Արմենպրես»-ը՝ վկայակոչելով BBC-ին:
Դեպքի վայրում աշխատել է շուրջ 150 հրշեջ և 40 շտապ օգնության մեքենա: Փրկարարներն ամբողջ գիշեր աշխատել են՝ փորձելով դուրս բերել գնացքների ուղևորներին:
Առայժմ հայտնի չէ գնացքների բախման պատճառը:
Ականատեսները հայտնել են, որ բախումը շատ ուժգին է եղել: Մի քանի վագոններում անմիջապես հրդեհ է բռնկվել:
Ըստ փրկարարների՝ բախված գնացքների առաջին վագոններն ամբողջովին ջախջախվել են: