Վահագ Ռաշը երկրպագուների դատին է հանձնել «Իմ թափառական» երգն ու հոլովակը

2 րոպեի ընթերցում

ԵՐԵՎԱՆ, 27 ՓԵՏՐՎԱՐԻ, ԱՐՄԵՆՊՐԵՍ: Վահագ Ռաշը երաժշտասերներին է ներկայացրել «Իմ թափառական» երգն ու տեսահոլովակը։

«Արմենպրես»-ի հաղորդմամբ՝ երգի հեղինակը Ռուբեն Հախվերդյանն է։

«Համավարակի ժամանակ, երբ առցանց հարթակներում կենդանի համերգներ էի կազմակերպում, իմ հետևորդներից մեկն առաջարկեց կատարել Հախվերդյանի հենց այս երգը: Այն ինձ անծանոթ թվաց, քանի որ հենց հեղինակը երբեք չէր կատարել։ Երբ լսեցի Նարինե Հարությունյանի կատարումը, միանգամից տեղափոխվեցի մանկության տարիներ` տատիկ պապիկիս տուն»,-պատմում է երգիչը:

Նրա խոսքով՝ երգը քաղցր հուշ է այդ տարիներից ու շատ հարազատ:

«Երգը կատարելու թույլտվության համար որոշեցի խոսել Ռուբեն Հախվերդյանի հետ: Ստանալով նրա համաձայնությունը՝ սկսեցինք գործիքավորման պրոցեսը, որը կատարեց իմ լավ ընկեր Վահան Նահապետյանը։ Երգը վերջնական տեսքի բերեց հնչյունային ռեժիսոր Սերգեյ Գասպարյանը։ Ռեժիսոր Մարիամ Գևորգյանի հետ քննարկեցինք և որոշեցինք, որ այն պետք է ունենա հոլովակ` սիրային ու աշնանային մոտիվներով»,-նշում է Ռաշն ու հավելում՝ երբ Մարիամը ներկայացրել է սյուժեն, երգիչը գլխավոր հերոսուհու դերում պատկերացրել է դերասանուհի Անի Խաչիկյանին:

Տղայի կերպարին ռեժիսորն է ընտրել: Հերոսին մարմնավորում է Սեբու Թորիկյանը:

Հոլովակն արդեն համացանցում է:

Հայերեն

Միրզոյանն ամփոփել է Բրյուսել աշխատանքային այցը

Ազգային ժողովի Հայաստան-Ֆինլանդիա, Նորվեգիա բարեկամական խմբի անդամները հանդիպել են ՀՀ-ում Ֆինլանդիայի դեսպանին

Հաագայի դատարանը հերթական դատավճիռն է կայացրել Կոսովոյի ալբանացի զինյալների նախկին առաջնորդի նկատմամբ

Ուժեղ պայթյուն է որոտացել իրանական Քեշմ կղզու մոտակայքում

Դավիթ Խուդաթյանը հանդիպումներ է ունեցել Իրանի փոխնախագահի, էներգետիկայի և նավթի նախարարների հետ

Արդարադատության նախարարի տեղակալն ընդունել է ՄԱԿ-ի Փախստականների հարցերով գերագույն հանձնակատարի հայաստանյան գրասենյակի ղեկավարին

Սերբիայում ռազմական ինքնաթիռ է կործանվել․ օդաչուն զոհվել է

Արմավիրի մարզի Գայ գյուղում գործող ձկնաբուծարանում ապօրինի ջրօգտագործման դեպք է արձանագրվել

Մոլդովան պատերազմի ավարտից հետո կմասնակցի Ուկրաինայի ականազերծման աշխատանքներին. Moldpres

Գևորգ Պապոյանը Մոսկվայում կմասնակցի ԵԱՏՄ խորհրդակցությունների