Թուրքիայում և Սիրիայում երկրաշարժի զոհերի թիվը գերազանցել է 21 700-ը
1 րոպեի ընթերցում
![Թուրքիայում և Սիրիայում երկրաշարժի զոհերի թիվը գերազանցել է 21 700-ը](http://armenpress.am/resized/480/static/news/b/2023/02/1103827.jpg)
ԵՐԵՎԱՆ, 10 ՓԵՏՐՎԱՐԻ, ԱՐՄԵՆՊՐԵՍ: Թուրքիայում և Սիրիայում ավերիչ երկրաշարժի հետևանքով զոհերի թիվը 21 719 է: Երկու երկրներում վիրավորների թիվը 79 487 է:
Ըստ վերջին տվյալների՝ Թուրքիայում զոհերի թիվն առնվազն 18 342 է, վիրավորների թիվը՝ 74 242: Այս մասին հաղորդում է «Արմենպրես»-ը՝ վկայակոչելով Anadolu գործակալությանը:
Սիրիայում առնվազն 3377 մարդ է մահացել երկրաշարժից, այդ թվում՝ 2030 զոհ ապստամբների վերահսկողության տակ գտնվող շրջաններում, 1347 զոհ՝ կառավարության կողմից վերահսկվող շրջաններում: Վիրավորների ընդհանուր թիվը 5245 է:
Թուրքիայի 10 նահանգներում 3 ամսով արտակարգ դրություն է հայտարարվել:
Բացի Թուրքիայից և Սիրիայից՝ փետրվարի լույս 6-ին տեղի ունեցած 7.8 մագնիտուդ հզորությամբ երկրաշարժը զգացել են նաև Լիբանանում, Կիպրոսում և Իրաքում:
Ինչպես ավելի վաղ հայտնել էր «Արմենպրես»-ը, Հայաստանը Թուրքիա է ուղարկել 27, Սիրիա՝ 29 փրկարար: