Ալեն Սիմոնյանը ողջունել է Հայաստան քաղաքացիական դիտորդական առաքելություն ուղարկելու ԵՄ որոշումը
1 րոպեի ընթերցում
ԵՐԵՎԱՆ, 23 ՀՈՒՆՎԱՐԻ, ԱՐՄԵՆՊՐԵՍ: Հայաստանի խորհրդարանը ողջունում է Եվրամիության՝ Հայաստան քաղաքացիական դիտորդական առաքելություն ուղարկելու որոշումը:
«Արմենպրես»-ի հաղորդմամբ՝ այս մասին «Թվիթեր»-ի իր պաշտոնական միկրոբլոգում գրել է ԱԺ նախագահ Ալեն Սիմոնյանը:
«Մենք հավատում ենք, որ առաքելությունը մեծ ներդրում կունենա տարածաշրջանում անվտանգության, երկարաժամկետ խաղաղության և վստահության ամրապնդման գործում»,- շեշտել է նա:
Ավելի վաղ ԵՄ խորհուրդը հաղորդագրություն էր տարածել այն մասին, որ հունվարի 23-ին համաձայնություն է ձեռք բերել Հայաստանում Եվրոպական Միության քաղաքացիական առաքելություն ստեղծելու մասին՝ անվտանգության և պաշտպանության ընդհանուր քաղաքականության շրջանակներում: Առաքելության նպատակն է նպաստել Հայաստանի սահմանամերձ շրջաններում կայունությանը, տեղում վստահության ձևավորել և ապահովել Հայաստանի և Ադրբեջանի միջև հարաբերությունների կարգավորման ջանքերին նպաստող միջավայր, ինչին աջակցում է ԵՄ-ն: