Ավտոմեքենան Մխչյան գյուղի մոտակայքում դուրս է եկել ճա­նապարհի երթևեկելի հատվածից և շրջվել․ կան տուժածներ

ԵՐԵՎԱՆ, 3 ՀՈՒՆՎԱՐԻ, ԱՐՄԵՆՊՐԵՍ: Արարատի մարզային ճգնաժամային կառավարման կենտրոնը հունվարի 3-ին ժամը 16։02-ին ահազանգ է ստացել, որՄխչյան գյուղի մոտակայքում տեղի է ունեցել ՃՏՊ․կան տուժածներ։

«Արմենպրես»-ի փոխանցմամբ՝ ինչպես հայտնում են ՀՀ արտակարգ իրավիճակների նախարարությունից՝ դեպքի վայր է մեկնել ԱԻՆ փրկարար ծառայության մարզային փրկարարական վարչության հրշեջ-փրկարարական ջոկատի մեկ մարտական հաշվարկ:

Պարզվել է, որ Երասխ-Երևան ավտոճանապարհի 60-րդ կմ-ին «VAZ-2107» մակնիշի ավտոմեքենան դուրս է եկել ճա­նապարհի երթևեկելի հատվածից և շրջվել:

Մինչ փրկարարների կանչի վայր հասնելը՝ տուժած ուղևորներ Գ․ Ա․-ն (ծնված2012թ․), Մ․ Ս․-ն (ծնված2017 թ․) և Ա․ Ս․-ն (ծնված2019 թ․) հոսպիտալացվել են «Սուրբ Աստվածամայր» բժշկական կենտրոն, որտեղ Ա․Ս․-ի առողջական վիճակը գնահատվել է ծանր, իսկ մյուսներինը՝ միջին ծանրության։

Փրկարարները վարորդին մոտեցրել են շտապօգնության ավտոմեքենային․ տուժածը հոսպիտալացվել է «Էրեբունի» ԲԿ, որտեղ նրա առողջական վիճակը գնահատվել է ծանր։

Փրկարարները հոսանքազրկել են ավտոմեքենան և փակել գազի բալոնի փականը: