1 րոպեի ընթերցում
ԵՐԵՎԱՆ, 13 ՆՈՅԵՄԲԵՐԻ, ԱՐՄԵՆՊՐԵՍ: Հայաստանի ֆուտբոլի առաջնության 16-րդ և 17-րդ տուրերի շրջանակներում կայացան ևս երկու հանդիպումներ:
«Արմենպրես»-ի հաղորդմամբ` Երևանի «Ալաշկերտ»-ը Չարենցավանում մրցեց տեղի «Վան»-ի հետ: Տանտերերին հաջողվեց առավելության հասնել նվազագույն հաշվով: «Վան»-ը միակ հաղթական գնդակը խփեց հանդիպման 85-րդ րոպեին:
Օրվա մյուս խաղում «Նոա»-ն սեփական հարկի տակ ընդունեց «Արարատ-Արմենիա»-ին: Մրցաշարային աղյուսակի հետնապահ «Նոա»-ն կրկին պարտություն կրեց: «Արարատ-Արմենիա»-ն հաղթեց 2:1 հաշվով: