368.26
Եվրոպական հանձնաժողովի ղեկավարը շնորհավորել է Իտալիայի նոր վարչապետին պաշտոնը ստանձնելու առթիվ
1 րոպեի ընթերցում
ԵՐԵՎԱՆ, 22 ՀՈԿՏԵՄԲԵՐԻ, ԱՐՄԵՆՊՐԵՍ: Եվրահանձնաժողովի ղեկավար Ուրսուլա ֆոն դեր Լեյենը շնորհավորել է Ջորջիա Մելոնիին Իտալիայի վարչապետի պաշտոնը ստանձնելու առիթով:
«Արմենպրես»-ի հաղորդմամբ՝ Եվրոպական հանձնաժողովի ղեկավարն այս մասին գրել է «Թվիթեր»-ի իր միկրոբլոգում:
«Շնորհավորում եմ Ջորջիա Մելոնիին վարչապետի պաշտոնում նշանակվելու առիթով: Առաջին անգամն է, որ այս պաշտոնը կին է զբաղեցնում: Ես ակնկալում եմ կառուցողական համագործակցություն նոր կառավարության հետ այն մարտահրավերների ֆոնին, որոնք մենք պետք է միասին հաղթահարենք: »,- գրել է Ուրսուլա ֆոն դեր Լեյենը։
Իտալիայի նոր կառավարությունը՝ «Իտալիայի եղբայրներ» կուսակցության առաջնորդ Ջորջիա Մելոնիի գլխավորությամբ, հոկտեմբերի 22-ին նախագահ Սերջիո Մատարելլայի ներկայությամբ Քվիրինալ պալատում հավատարմության երդում է տվել Հանրապետությանը։
Բաժանորդագրվեք մեր ալիքին Telegram-ում