2 րոպեի ընթերցում
ԵՐԵՎԱՆ, 27 ՍԵՊՏԵՄԲԵՐԻ, ԱՐՄԵՆՊՐԵՍ: Արեւմտյան երկրները հազիվ թե կտրուկ մեծացնեն սպառազինությունների մատակարարումները Կիեւին «հակահարձակման» ֆոնին եւ չեն պատրաստվում ծանր տեխնկա ուղարկելու նրան: Ինչպես տեղեկացնում Է «Արմենպրես»-ը, սեպտեմբերի լույս 27-ի գիշերն այդ մասին հաղորդել Է Bloomberg գործակալությունը՝ վկայակոչելով աղբյուրներ:
«Հազիվ թե տեղի ունենա զենքի մատակարարումների կտուկ ավելացում կամ խախտվեն նոր տաբուները դրանց տեսակի վերաբերյալ, քանի որ ԱՄՆ-ը դրսեւորում Է զգուշություն, իսկ Եվրոպայի հանգուցային սպառազինությունների պաշարները վերջանալու վրա են»,- ասված Է գործակալության հաղորդագրության մեջ, որը վկայակոչում Է ԵՄ-ի մի բարձրաստիճան պաշտոնյայի:
Bloomberg-ի չորս աղբյուրներ նշել են, որ «չկան ոչ մի կարգի նշաններ» այն բանի, թե Եվրոպան պատրաստվում Է Կիեւին մատակարարելու ծանր զինամթերք: Մասնավորապես, խոսքը վերաբերում Է գերմանական Leopard տանկերին, որոնք օգտագործում են ՆԱՏՕ-ի անդամ մի քանի երկրներ, դրանց թվում Իսպանիան, Նիդեռլանդները եւ Թուրքիան: Մարտական մեքենաներն այլ երկրների հանձնել նրանք կարող են սոսկ Բեռլինի թույլտվությամբ:
Գերմանիան իր թույլտվությունն առայժմ չի տվել, եւ, դեռ ավելին, այլ երկրներից պահանջներ թույլատրելու տանկերի արտահանումն Ուկրաինա չեն ստացվել, նշել Է աղբյուրը: Բացի դրանից, ինչպես հայտնում Է գործակալությունը, Ուկրաինային օգնությունն Իտալիայում միջոցների պակասի եւ ընտրությունների անցկացման պատճառով դուրս Է մղվել նրա կառավարության առաջնահերթ խնդիրների ցուցակից: Հռոմից զինամթերքի մատակարարումները Կիեւին հուլիսից դանդաղել են, նշել են աղբյուրները, հաղորդել Է ՏԱՍՍ-ը: