«Հայերի կյանքն արժեք ունի». ուկրաինացի երգչուհի Թինա Կարոլն իր աջակցությունն է հայտնել Հայաստանին

ԵՐԵՎԱՆ, 19 ՍԵՊՏԵՄԲԵՐԻ, ԱՐՄԵՆՊՐԵՍ: Ուկրաինացի երգչուհի Թինա Կարոլը, որին հանրության լայն շրջանակը ճանաչում է «Եվրատեսիլ 2006» երգի մրցույթից, իր աջակցությունն է հայտնել Հայաստանին:

«Արմենպրես»-ի հաղորդմամբ՝ երգչուհին «Ինստագրամ»-ի «Սթորի» բաժնում լուսանկար է հրապարակել, որում ասվում է «Հայերի կյանքն արժեք ունի» (Armenian Lives Matter):

Ադրբեջանական աղբյուրներն էլ հայտնում են, որ Թինա Կարոլը չեղարկել է Բաքվում նախատեսված համերգը, որը պետք է տեղի ունենար նոյեմբերի 15-ին:

Ավելի վաղ Բաքվում նախատեսված համերգն էր չեղարկել նաև ուկրաինացի երգիչ Մաքս Բարսկիխը՝ նշելով, որ յուրաքանչյուր երկիր, որն ագրեսիա է թույլ տալիս այլ երկրի նկատմամբ, իր համերգների համար հարթակ չէ: