Ռուսաստանում մայիսի 21-ից ի վեր առաջին անգամ կորոնավիրուսից 100-ից ավելի մահ են արձանագրել մեկ օրում

ԵՐԵՎԱՆ, 13 ՍԵՊՏԵՄԲԵՐԻ, ԱՐՄԵՆՊՐԵՍ: Ռուսաստանում կորոնավիրուսի պատճառով մահացածների թիվը մեկ օրում հասել Է 101-ի՝ նախորդ օրվա 81-ի դիմաց: Ինչպես տեղեկացնում Է «Արմենպրես»-ը, սեպտեմբերի 13-ին այդ մասին լրագրողներին հայտնել են վարակի դեմ պայքարի դաշնային օպերատիվ շտաբում:

Այսպիսով, մայիսի 21-ից ի վեր առաջն անգամ երկրում արձանագրվել Է քովիդի պատճառով 100-ից ավելի մահացու դեպք՝ մեկ օրում: Ընդամենը համավարակի սկզբից, շտաբի տվյալներով, մահացել Է 385 530 հիվանդացած:

Ռուսաստանում կորոնավիրուսով վարակման հաստատված դեպքերի թիվը մեկ օրում աճել Է 44 045-ով՝ նախորդ օրվա 46 488-ի դիմաց՝ մինչեւ 20 157 143: Ապաքինման դեպքերի թիվը մեկ օրում ավելացել Է 48 187-ով՝ նախորդ օրվա 35 660-ի դիմաց՝ մինչեւ 19 144 853:

Մեկ օրում Ռուսաստանում հոսպիտալացվել Է 4 663 քովիդով հիվանդացած՝ նախորդ օրվա 1 848-ի դիմաց (աճը՝ 152,3 տոկոս): Հոսպիտալացումների թիվն ավելացել Է 79 տարածաշրջաններում եւ նվազել՝ վեցում, հաղորդել Է ՏԱՍՍ-ը: