Մահացել է Եղիսաբեթ Երկրորդ թագուհին

ԵՐԵՎԱՆ, 8 ՍԵՊՏԵՄԲԵՐԻ, ԱՐՄԵՆՊՐԵՍ: 96 տարեկանում մահացել է Մեծ Բրիտանիայի Եղիսաբեթ Երկրորդ թագուհին: «Արմենպրես»-ն այս մասին տեղեկանում է թագավորական ընտանիքի «Ֆեյսբուք»-ի էջից:

«Թագուհին խաղաղությամբ մահացել է Բալմորալում այսօր կեսօրին»,-ասված է հայտարարությունում:

Թագուհին անցյալ տարվա վերջից տառապում էր շարժունակության հետ կապված էպիզոդիկ խնդիրներից:

Թագուհու բոլոր երեխաները մեկնել էին Բալմորալ՝ այն բանից հետո, երբ բժիշկները նրան խիստ հսկողության տակ էին վերցրել։