Բայդենն «Ալ Քաիդայի» պարագլխի ոչնչացման գործողությունը համարել է լիովին հաջող
2 րոպեի ընթերցում
![Բայդենն «Ալ Քաիդայի» պարագլխի ոչնչացման գործողությունը համարել է լիովին հաջող](http://armenpress.am/resized/480/static/news/b/2022/08/1089440.jpg)
ԵՐԵՎԱՆ, 2 ՕԳՈՍՏՈՍԻ, ԱՐՄԵՆՊՐԵՍ: Միացյալ Նահանգների նախագահ Ջո Բայդենը կարծում Է, որ Քաբուլում «Ալ Քաիդա» ահաբեկչական կազմակերպության պարագլուխ Այման ազ Զավահիրիի ոչնչացման գործողությունը եղել Է հաջող բոլոր տեսակետներից:
«Շաբաթ օրը (Վաշինգտոնի ժամանակով, հուլիսի 31-ի առավոտյան Քաբուլի ժամանակով – ծանոթ. խմբ.) իմ կարգադրությամբ ԱՄՆ-ը հաղող ավիահարված Է հասցրել Քաբուլում (…) եւ ոչնչացրել «Ալ Քաիդայի» պարագլուխ Այման ազ Զավահիրին»,- ասել Է ԱՄՆի նախագահը, տեղեկացնում Է «Արմենպրես»-ը:
Բայդենի խոսքով՝ առաքելությունը եղել Է հաջող:
«Նրա (ազ Զավահիրիի – ծաոթ. խմբ.) ընտանիքի անդամներից ոչ մեկը չի տուժել, քաղաքացիական անձանց թվում կորուստներ չկան: Ես այս նորությունը հայտնում եմ այժմ՝ այն բանի հաստատումից հետո, որ գործողությունը եղել Է լիովին հաջող»,- պարզաբանել Է Բայդենը:
Ինչպես նշել Է Մացյալ Նահանգների ղեկավարը, ազ Զավահիրին ակտիվ մասնակցություն Է ունեցել 2001 թվականի սեպտեմբերի 11-ի ահաբեկչական գործողությունների պլանավորմանը, ինչպես նաեւ եղել Է ուրիշ ահաբեկչական գրոհների կազմակերպիչը, որոնց զոհեր են դարձել ԱՄՆ-ի եւ այլ պետությունների քաղաքացիներ:
«Այժմ արդարադաությունը կատարվեց, եւ ահաբեկիչների այդ պարագլուխն այլեւս չկա»,- արձանագրել Է Բայդենը: Եգիպտացի ազ Զավահիրին «Ալ Քաիդան» գլխավորել Է 2011 թվականին ամերիկացնիների կողմից այդ ցանցի հիմնադիր սաուդացի Ուսամա բեն Լադենի ոչնչացումից հետո:
Ազ Զավահիրին մտնում Էր ԱՄՆ-ի հատուկ ծառայությունների կողմից առավել ակտիվորեն որոնվող ահաբեկիչների ցուցակի մեջ, նրա գտնվելու վայրի մասին տեղեկությունների համար Վաշինգտոնն առաջարկում Էր դրամական պարգեւ մինչեւ 25 միլիոն դոլարի չափով, հաղորդել Է ՏԱՍՍ-ը: