ՄԱԿ-ի Անվտանգության խորհուրդը նիստ կանցկացնի Ուկրաինայի հարցով

ԵՐԵՎԱՆ, 25 ՀՈՒԼԻՍԻ, ԱՐՄԵՆՊՐԵՍ։ ՄԱԿ-ի Անվտանգության խորհուրդը հուլիսի 29-ին կանցկացնի նիստ Ուկրաինայի հարցով։ «Արմենպրես»-ի հաղորդմամբ՝ ՏԱՍՍ գործակալությունը տեղեկացնում է, որ այս մասին ասված է Անվտանգության խորհրդի հուլիս ամսվա աշխատանքային ընդլայնված լրացված ծրագրում։

Ենթադրվում է, որ կքննարկվի հուլիսի 22-ին Ստամբուլում ուկրաինական հացահատիկի արտահանման, ինչպես նաեւ ռուսական սննդամթերքի ու պարարտանյութերի շուրջ ձեռք բերված պայմանավորվածությունների կատարման հարցը։