396.83
Էրլինգ Հալանդից 12 րոպե է պահանջվել «Մանչեսթեր Սիթի»-ում առաջին իսկ խաղում գոլ խփելու համար
1 րոպեի ընթերցում
ԵՐԵՎԱՆ, 24 ՀՈՒԼԻՍԻ, ԱՐՄԵՆՊՐԵՍ: Անգլիական «Մանչեսթեր Սիթի» ֆուտբոլային ակումբը ընկերական խաղում հաղթել է Մյունխենի «Բավարիա»-ին, իսկ «քաղաքայինների» միակ գնդակը նոր թիմում առաջին իսկ խաղում խփել է Էրլինգ Հալանդը:
«Արմենպրես»-ի հաղորդմամբ` ԱՄՆ-ի Վիսկոնսին նահանգի Գրին-Բեյ քաղաքում կայացած ընկերական խաղում «Մանչեսթեր Սիթի»-ն նվազագույն հաշվով հաղթել է գերմանական «Բավարիա»-ին: Հանդիպման 12-րդ րոպեին խաղի միակ և հաղթական գնդակը խփել է նոր-նոր «Մանչեսթեր Սիթի» տեղափոխված Հալանդը: Վերջինս մասնակցել է հանդիպման միայն առաջին կեսին:
Հուլիսի 30-ին «Մանչեսթեր Սիթի»-ն Անգլիայի սուպերգավաթի խաղարկությունում կմրցի «Լիվերպուլ»-ի հետ:
Բաժանորդագրվեք մեր ալիքին Telegram-ում