368.54
Ստամբուլում կստորագրվի ուկրաինական հացահատիկի մատակարարման հետ կապված փաստաթուղթ
1 րոպեի ընթերցում
ԵՐԵՎԱՆ, 22 ՀՈՒԼԻՍԻ, ԱՐՄԵՆՊՐԵՍ: Թուրքիայի նախագահ Ռեջեփ Թայիփ Էրդողանը որոշ մանրամասներ է հայտնել Ստամբուլում հուլիսի 22-ին ուկրաինական հացահատիկի մատակարարման միջանցքների բացման հարցով ՌԴ-ի, Թուրքիայի, Ուկրաինայի և ՄԱԿ-ի ներկայացուցիչների հերթական հանդիպման սպասվող արդյունքների վերաբերյալ:
Այս մասին, ինչպես հաղորդում է «Արմենպրես»-ը, հայտնում է թուրքական «Անադոլու» լրատվական գործակալությունը:
«Այսօր Ստամբուլում ՄԱԿ-ի, Ռուսաստանի Դաշնության և Ուկրաինայի ներկայացուցիչների մասնակցությամբ փաստաթուղթ կստորագրվի, որը կվերացնի գյուղատնտեսական միջանցքի ձևավորման ճանապարհին առկա խնդիրները։ Աշխարհը դրական նորություններ կլսի»,-ասել է էրդողանը:
Նա ուշադրություն է հրավիրել ռուս-ուկրաինական պատերազմի բացասական տնտեսական ազդեցության վրա, այդ թվում՝ Թուրքիայում, որտեղ գնաճ է նկատվում:
Բաժանորդագրվեք մեր ալիքին Telegram-ում