ՏՏ առաջատար ընկերությունների ղեկավարները կխոսեն աշխատաշուկայում առկա մարտահրավերներից

ԵՐԵՎԱՆ, 19 ՀՈՒԼԻՍԻ, ԱՐՄԵՆՊՐԵՍ: AGBU կենտրոնում հուլիսի 29-ին կկայանա պանելային քննարկում արագ աճող միջավայրում աշխատանքային մարտահրավերների թեմայով։

«Արմենպրես»-ի հաղորդմամբ՝ ՏՏ ոլորտի առաջատար ընկերությունների ղեկավարները կխոսեն այն մարտահրավերների մասին, որոնց բախվում են արագ զարգացող ընկերությունները նոր աշխատակիցներ փնտրելիս եւ ընդունելիս:

Պանելային քննարկման մասնակիցներն են DISQO-ի ինժեներական բաժնի ղեկավար Հարություն Բաղդասարյանը, Softr-ի համահիմնադիր և տեխնիկական տնօրեն Արթուր Մկրտչյանը, ServiceTitan-ի գործադիր տնօրեն Աշոտ Տոնոյանը, Picsart-ի Ինժեներական բաժնի ավագ տնօրեն Հովհաննես Գրիգորյանը և hirebee.ai-ի համահիմնադիր Լուիզա Ավետիսյանը։