Իսպանիայում շուրջ 30 մարդ Է տուժել մարդատար գնացքի եւ լոկոմոտիվի բախումից
1 րոպեի ընթերցում
![Իսպանիայում շուրջ 30 մարդ Է տուժել մարդատար գնացքի եւ լոկոմոտիվի բախումից](http://armenpress.am/resized/480/static/news/b/2022/06/1085795.jpg)
ԵՐԵՎԱՆ, 13 ՀՈՒՆԻՍԻ, ԱՐՄԵՆՊՐԵՍ: Առավազն 29 մարդ Է տուժել Կատալոնիայի Ինքնավար Մարզում մարդատար գնացքի եւ ապրանքատար գնացքի լոկոմոտիվի բախումից: Ինչպես տեղեկացնում Է «Արմենպրես»-ը, այդ մասին ասված Է ինքնավարության Քաղաքացիական պաշտպանության գլխավոր վարչության մամուլի տեղեկագրում:
Վարչության տեղեկատվությամբ՝ միջադեպը տեղի Է ունեցել հունիսի 12-ին տեղական ժամանակով 22:00-ին (Երեւանի ժամանակով 24:00-ին) Տառագոնայի նահանգի Վիլա սեկա բնակավայրում: Նշվում Է, որ Բարսելոն – Տորտոսա երթուղով 75 ուղեւոր փոխադրող գնացքը բախվել Է լոկոմոտիվին: Պատահարի պատճառներն առայժմ չեն ճշտվում: Սկսվել Է հետաքննություն, հաղորդել Է ՏԱՍՍ-ը: