Ֆրանսիայի նախկին նախագահ Օլանդը եւ դերասանուհի Ժյուլի Գայեն ամուսնացել են
1 րոպեի ընթերցում
![Ֆրանսիայի նախկին նախագահ Օլանդը եւ դերասանուհի Ժյուլի Գայեն ամուսնացել են](http://armenpress.am/resized/480/static/news/b/2022/06/1085450.jpg)
ԵՐԵՎԱՆ, 8 ՀՈՒՆԻՍԻ, ԱՐՄԵՆՊՐԵՍ: Ֆրանսիայի նախկին նախագահ Ֆրանսուա Օլանդն ամուսնացել Է կինոդերասանուհի Ժյուլի Գայեի հետ Տյուլ քաղաքում (երկրի հարավ - արեւմուտք), որտեղ երկար ժամանակ քաղաքագլուխ Է եղել: Հունիսի 8-ին այդ մասին հաղորդել Է France Info ռադիոկայանը, տեղեկացնում Է «Արմենպրես»-ը: Ամուսնության արարողությունն անցկացրել Է մունիցիպալիտետի ղեկավարի պաշտոնում Օլանդին հաջորդող Բեռնար Կոմբը:
Ինչպես նշում Է ռադիոկայանը, դա 67-ամյա նախկին նախագահի առաջին պաշտոնական ամուսնությունն Է: Նրա միությունը կյանքի նախորդ ընկերուհու՝ լրագրողուհի Վալերի Տրիերվեյլերի հետ դադարել Է ութ տարի առաջ՝ Գայեի հետ նրանց սիրային կապի բացահայտումից հետո: Օլանդը նախագահի պաշտոնում Է եղել 2012 թվականից մինչեւ 2017 թվականը: Ելիսեյան պալատում նրան փոխարինել Է Մանուել Մակրոնը: Օլանդը չորս երեխա ունի, որոնք ծնվել են Ֆրանսիայի Սոցիալիստական կուսակցության գծով նրա զինակցուհի Սեգոլեն Ռուայալի հետ միությունից, որի հետ նրանք ամուսնական դաշն չեն կնքել, հաղորդել Է ՏԱՍՍ-ը: