Իտալիայի ոստիկանությունն ավելի քան 4 տոննա կոկաին է առգրավել միջազգային հետաքննության ընթացքում
1 րոպեի ընթերցում
ԵՐԵՎԱՆ, 7 ՀՈՒՆԻՍԻ, ԱՐՄԵՆՊՐԵՍ: Տրիեստի Ֆինանսական գվարդիայի (Էկոնոմիկայի նախարարության ուժային ստորաբաժանում) աշխատակիցներն առգրավել են 4,3 տոննա կոկաին: Հունիսի 7-ին այդ մասին հայտնել Է Corriere della Sera թերթը, տեղեկացնում Է «Արմենպրես»-ը:
Քննիչների գնահատումներով՝ խոսքը վերաբերում Է Եվրոպայում թմրանյութերի խոշորագույն առգրավումներից մեկին: Ինչպես նշում Է հրատարակությունը, նաեւ առգրավվել Է գրեթե 2 միլիոն եվրո կանխիկ գումար: Խափանման միջոցներ են կիրառվել 38 մարդու նկատմամբ Իտալիայում, Սլովենիայում, Խորվաթիայում, Բուլղաիայում, Նիդեռլանդներում եւ Կոլումբիայում, նրանց մեղադրում են թմրանյութերի միջազգային շրջանառության մեջ:
Հետաքննությունը տեւել Է ավելի քան մեկ տարի, դրան մասնակցել են այդ թվում Կոլումբիայի եւ ԱՄՆ-ի իրավապահ մարմնները, հաղորդել Է ՏԱՍՍ-ը: