1 րոպեի ընթերցում
ԵՐԵՎԱՆ, 3 ՀՈւՆԻՍԻ, ԱՐՄԵՆՊՐԵՍ: Խոշոր հրդեհ եւ պայթյուններ են տեղի ունեցել Deepak Nitrite ընկերության քիմիական գործարանի տարածքում, որը գտնվում Է Հնդկաստանի Հուջարաթ արեւմտյան նահանգում. տուժել Է յոթ մարդ: Այդ մասին, ինչպես տեղեկացնում Է «Արմենպրես»-ը, հաղորդել Է Press Trust of India հրատարակությունը՝ վկայակոչելով տեղի իշխանություններին:
«Հրդեհը ճարակել Է Deepak Nitrite ընկերության քիմիական գործարանում, Հուջարաթի նահանգի Վադոդարայի ծայրամասում գտնվող արդյունաբերական գոտում. յոթ աշխատող հոսպիտալացվել Է, մոտակայքում ապրող 700 մարդ տեղափոխվել են անվտանգ վայրեր»,-հայտարարել են իշխանությունները:
Press Trust of India հրատարակությունը գրում Է, որ միջադեպի վայրից պայթյունները լսվել են մի քանի կիլոմետր հեռավորությամբ:
Deepak Nitrite ընկերությունն արտադրում Է լայն սպեկտրի քիմիական արտադրանք, ներառյալ ագրոքիմիկատներ, ներկեր, կաուչուկ, դեղագործական պատրաստուկներ, հատուկ եւ թույլ քիմիական նյութեր, հաղորդել Է ՌԻԱ Նովոստին: