Հասարակական

Արդարադատության նախարար Կարեն Անդրեասյանը կմեկնի արձակուրդ

1 րոպեի ընթերցում

Արդարադատության նախարար Կարեն Անդրեասյանը կմեկնի արձակուրդ

ԵՐԵՎԱՆ, 31 ՄԱՅԻՍԻ, ԱՐՄԵՆՊՐԵՍ:Արդարադատության նախարար Կարեն Անդրեասյանը ՀՀ վարչապետ Նիկոլ Փաշինյանի որոշմամբ հունիսի 3-8-ը լինելու է արձակուրդում: «Արմենպրես»-ի հաղորդմամբ՝ այդ մասին նշված է վարչապետի 609 – Ա որոշման մեջ, որը հրապարակվել է ՀՀ կառավարության e-gov.am կայքում:

«Ղեկավարվելով «Հանրային ծառայության մասին» օրենքի 9-րդ հոդվածի 16-րդ մասով, «Կառավարության կառուցվածքի և գործունեության մասին» օրենքի

18-րդ հոդվածի 1-ին մասով և «Կառավարչական իրավահարաբերությունների կարգավորման մասին» օրենքի 10-րդ հոդվածի 13-րդ մասով՝

ՀՀ արդարադատության նախարար Կարեն Անդրեասյանին տրամադրել 2021-2022 թվականների աշխատանքային տարվա ամենամյա արձակուրդի մասը՝ 4 աշխատանքային օր՝ 2022 թվականի հունիսի 3-8-ը ներառյալ», - ասված է որոշման մեջ:

Կարեն Անդրեասյանի արձակուրդի ընթացքում նրան կփոխարինի ՀՀ արդարադատության նախարարի տեղակալ Երանուհի Թումանյանցը:

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2025 ARMENPRESS

Ստեղծվել է՝ MATEMAT-ում