Ֆրանսիայի ԱԳՆ-ն հայտնել է Կիևին մատակարարվող սպառազինությունն ավելացնելու մասին
1 րոպեի ընթերցում
![Ֆրանսիայի ԱԳՆ-ն հայտնել է Կիևին մատակարարվող սպառազինությունն ավելացնելու մասին](http://armenpress.am/resized/480/static/news/b/2022/05/1084647.jpg)
ԵՐԵՎԱՆ, 30 ՄԱՅԻՍԻ, ԱՐՄԵՆՊՐԵՍ: Ֆրանսիայի արտաքին գործերի նախարար Կատրին Կոլոննան Ուկրաինա կատարած այցի ժամանակ հայտարարել է, որ Փարիզը կավելացնի Կիևին տրամադրվող սպառազինությունը:
«Մեր ռազմական աջակցությունը Կիևին կշարունակվի և կավելանա»,-ինչպես հաղորդում է «Արմենպրես»-ը, վկայակոչելով «ՌԻԱ Նովոստի»-ին, այս մասին Կոլոննան ասել է մամուլի ասուլիսի ժամանակ:
Մայիսի 30-ին Ֆրանսիայի ԱԳ նախարարը աշխատանքային այցով մեկնել է Կիև: Այցի շրջանակում հանդիպումներ են կազմակերպվել Ուկրաինայի ԱԳ նախարար Դմիտրի Կուլեբայի և երկրի նախագահ Վլադիմիր Զելենսկու հետ: Հաղորդվել է, որ նա այցելելու է Բուչա քաղաք և Ուկրաինայի իշխանություններին փոխանցելու է Փարիզից ուղարկված տեխնիկան՝ նախատեսված քաղաքացիների անվտանգությունն ապահովելու համար (հրշեջ մեքենաներ, շտապօգնության մեքենաներ):