ՄԱԿ-ի գլխավոր քարտուղարն ու Թուրքիայի ԱԳ նախարարը քննարկել են իրադրությունն Ուկրաինայում
1 րոպեի ընթերցում
![ՄԱԿ-ի գլխավոր քարտուղարն ու Թուրքիայի ԱԳ նախարարը քննարկել են իրադրությունն Ուկրաինայում](http://armenpress.am/resized/480/static/news/b/2022/05/1083552.jpg)
ԵՐԵՎԱՆ, 18 ՄԱՅԻՍԻ, ԱՐՄԵՆՊՐԵՍ: Միավորված ազգերի կազմակերպության գլխավոր քարտուղար Անտոնիու Գուտերեշը մայիսի 18-ին Թուրքիայի արտգործնախարար Մևլութ Չավուշօղլուի հետ հանդիպմանը քննարկել է իրադրությունն Ուկրաինայում: «Արմենպրես»-ի փոխանցմամբ, այս մասին նշվում է ՄԱԿ-ի գլխավոր քարտուղարի գրասենյակի տարածած հաղորդագրության մեջ:
«ՄԱԿ-ի գլխավոր քարտուղարը և Թուրքիայի ԱԳ նախարարը մտքեր են փոխանակել Ուկրաինայում իրադրության և տարածաշրջանի իրադարձությունների վերաբերյալ: Կողմերը քննարկել են նաև դեպքերի զարգացումը Սիրիայում, Լիբիայում, Աֆղանստանում և Կիպրոսում»,- ասվում է հայտարարության մեջ: