ԵՐԵՎԱՆ, 20 ԱՊՐԻԼԻ, ԱՐՄԵՆՊՐԵՍ: Ռուսաստանի եւ Ճապոնիայի միջեւ ապրանքաշրջանառությունը 2021 ֆինանսական տարում, որն ավարտվել Է 2022 թվականի մարտի 31-ին, զգալիորեն ավելացել Է մեկ տարի առաջվա ցուցանիշի համեմատությամբ: Մասնավորապես, ճապոնական ապրանքների արտահանումը ՌԴ ավելացել Է 37,4 տոկոսով, իսկ Ռուսաստանից ներմուծումն աճել Է 68,5 տոկոսով: Այդ մասին, ինչպես տեղեկացնում Է «Արմենպրես»-ը, վկայում են Ճապոնիայի ֆինանսների նախարարության տվյալները:
Այսպես, Ճապոնիայից Ռուսաստան արտահանման ծավալը 2021 թվականի ապրիլից մինչեւ 2022 թվականի մարտ ամիսը ներառյալ կազմել Է 872,69 միլիարդ իեն (6,75 միլիարդ դոլար), իսկ ներմուծման ծավալը՝ 1,83 տրիլիոն իեն (14,15 միլիարդ դոլար): 2021 ֆինանսական տարում Ռուսաստանից ներմուծված ապրանքների թվում արձանագրվել Է հանքային վառելանյութի (86,2 տոկոսով), հումքի (78,9 տոկոսով), պարենամթերքի (59,7 տոկոսով) ծավալների առավել մեծ աճ:
Բացի այդ, անցած ֆինանսական տարում զգալիորեն աճել Է տարբեր մեքենայական սարքավորումների ներմուծման ծավալը: 2021 ֆինանսական տարում արտահանման ավելացում Է դիտվել այնպիսի ոլորտներում, ինչպիսիք են՝ քիմիկատները (աճը 29,2 տոկոսով), ընդհանուր նշանակության մեքենայական սարքավորումը (աճը՝ 48 տոկոսով) եւ տրանսպորտային սարքավորումը, ներառյալ ավտոմեքենաները եւ պահեստամասերը (աճը՝ 41,3 տոկոսով): Դրա հետ մեկտեղ, անցած ֆինանսական տարում Ճապոնիայից Ռուսաստան պարենամթերքի արտահանումն ընկել Է 33,3 տոկոսով, հաղորդել Է ՌԻԱ Նովոստին: