Սաուդյան Արաբիան թույլատրել է հաջ իրականացնել տարեկան 1 մլն ուխտավորների
1 րոպեի ընթերցում
![Սաուդյան Արաբիան թույլատրել է հաջ իրականացնել տարեկան 1 մլն ուխտավորների](http://armenpress.am/resized/480/static/news/b/2022/04/1080221.jpg)
ԵՐԵՎԱՆ, 9 ԱՊՐԻԼԻ, ԱՐՄԵՆՊՐԵՍ: Սաուդյան Արաբիան ավելացրել է մուսուլմանական սրբավայրեր հաջ իրականացնելու համար թույլատրելի ուխտավորների քանակը՝ հասցնելով այն տարեկան մինչև 1 միլիոնի: Այս թվի մեջ ներառված են ինչպես թագավորության բնակիչները, այնպես էլ օտարերկրացիները: «Արմենպրես»-ի փոխանցմամբ, այս մասին հայտնել է Saudi Press Agency-ն՝ հղում անելով հաջի և ումրայի հարցերով նախարարությանը:
Այս տարի դեպի Մեքքա ամենամյա ուխտագնացություն կարող են իրականացնել մինչև 65 տարեկան լիարժեք պատվաստված անձինք, ովքեր երկիր մուտք գործելիս պետք է ներկայացնեն ՊՇՌ թեստի բացասական պատասխանը: