Կառավարությունն ավելի քան 3 միլիարդ դրամ հատկացրեց մեկ ճանապարհահատվածի և երկու կամրջի կառուցման համար
1 րոպեի ընթերցում
ԵՐԵՎԱՆ, 31 ՄԱՐՏԻ, ԱՐՄԵՆՊՐԵՍ։ Կառավարություն 3 միլիարդ 114 միլիոն դրամ հատկացրեց Մ6 – Աթան 27,5 կմ ճանապարհահատվածի, ինչպես նաև Պտղնի, Աբովյանի մոտ գտնվող կամրջի և Տավուշի մարզի Թեղուտի մոտ գտնվող կամրջի հիմնանորոգման համար։
Ինչպես տեղեկացնում է «Արմենպրես»-ը, նախագիծը Կառավարության անդամներին ներկայացրեց Տարածքային կառավարման և ենթակառուցվածքների նախարար Գնել Սանոսյանը։
«Նախագծի ընդունման նպատակն է 2022 թվականին հիմնանորոգման ծրագրով 1 ճանապարհահատվածի և 2 կամուրջների հիմնանորոգման, տեխնիկական և հեղինակային հսկողության ծառայությունների համար նախատեսել ֆինանսական միջոցներ»,- ասաց Սանոսյանը։
Խոսքը Մ-6 – Աթան 27,5 կմ ճանապարհահատվածի ( ներառում է Թումանյան համայնքի Քարինջ, Մարց, Ահնիձոր, Լորուտ, Շամուտ և Աթան բնակավայրերը), Պտղնի և Աբովյանի մոտ գտնվող կամրջի և Տավուշի մարզի Թեղուտի մոտ գտնվող կամրջի հիմնանորոգման մասին է։
ՀՀ վարչապետ Նիկոլ Փաշինյանը կարևորեց այս աշխատանքների իրականացումը։
« Մեկնարկում է շինարարության սեզոնը, և մեր պլանավորվածը իրականացնում ենք. [wsqy 500 կիլոմետր ճանապարհների հիմնանորոգման կամ նորոգման մասին է»,- ասաց Փաշինյանը։
