Մակրոնն ու Պուտինը հեռախոսազրույց են անցկացնում

ԵՐԵՎԱՆ, 29 ՄԱՐՏԻ, ԱՐՄԵՆՊՐԵՍ: Ֆրանսիայի նախագահ Էմանուել Մակրոնը և Ռուսաստանի նախագահ Վլադիմիր Պուտինը հեռախոսազրույց են անցկացնում։ Ինչպես տեղեկացնում է «Արմենպրես»-ը, այս մասին հայտնում է ՏԱՍՍ-ը՝ վկայակոչելով Agence France-Presse-ին, որը հղում է անում Ելիսեյան պալատին:

Ավելի վաղ հաղորդվում էր, որ Պուտինի հետ զրույցից առաջ Մակրոնը մի շարք եվրոպացի առաջնորդների հետ պետք է մասնակցեր ԱՄՆ նախագահ Ջո Բայդենի հետ բանակցություններին։