Հայ-եգիպտական հարաբերություններն առանձնանում են երկու ժողովուրդների միջև պատմական բարեկամությամբ և փոխադարձ վստահությամբ. Արարատ Միրզոյան

2 րոպեի ընթերցում

ԵՐԵՎԱՆ, 9 ՄԱՐՏԻ, ԱՐՄԵՆՊՐԵՍ: Հայաստանի և Եգիպտոսի արտաքին գործերի նախարարներն ուղերձներ են փոխանակել Հայաստանի Հանրապետության և Եգիպտոսի Արաբական Հանրապետության միջև դիվանագիտական հարաբերությունների հաստատման 30-ամյակի կապակցությամբ:

«Արմենպրես»-ի հաղորդմամբ՝ այս մասին հայտնում են ՀՀ ԱԳՆ-ից, նշելով, որ Արարատ Միրզոյանն իր ուղերձում մասնավորապես ընդգծել է, որ հայ-եգիպտական հարաբերություններն առանձնանում են երկու ժողովուրդների միջև պատմական բարեկամությամբ և փոխադարձ վստահությամբ, որում իր առանձնահատուկ դերակատարումն ունի Եգիպտոսի հայ համայնքը։

Նախարարը մեծապես արժևորել է Եգիպտոսի հետ առկա բարձր մակարդակի քաղաքական երկխոսությունը և փոխաջակցությունը բազմակողմ հարթակներում՝ նշելով, որ անցած տարիներին Հայաստանի և Եգիպտոսի միջև հաջողվել է ձևավորել ամուր միջպետական կապեր՝ զարգացնելով և խորացնելով երկկողմ բազմաոլորտ համագործակցությունը։

Այս նշանակալի հոբելյանի առթիվ՝ ՀՀ ԱԳ նախարարն իր համոզմունքն է հայտնել առ այն, որ Հայաստանը և Եգիպտոսը հետագայում ևս կնպաստեն փոխգործակցության առավել ամրապնդմանը և երկկողմ օրակարգի ընդլայնմանը՝ ի բարօրություն մեր ժողովուրդների և երկրների։

Եգիպտոսի ԱԳ նախարար Սամեհ Շուքրին, շնորհավորանքներ հղելով ՀՀ ԱԳ նախարարին, նշել է, որ հայ-եգիպտական հարաբերությունները հիմնված են կառուցողական համագործակցության և փոխադարձ հարգանքի վրա։ Երկկողմ փոխգործակցությունը մշտապես եղել է և շարունակում է լինել արդյունավետ՝ նկատելի հաջողություններ գրանցելով տարբեր ոլորտներում։

Եգիպտոսի ԱԳ նախարարը մեծապես կարևորել է երկկողմ հարաբերությունների առավել ամրապնդումը երկուստեք հետաքրքրություն ներկայացնող տարբեր ոլորտներում, ինչպիսիք են՝ առևտուրը, էներգետիկան, ենթակառուցվածքները և դեղագործությունը։

Հայերեն العربية Русский

Իսրայելը քրեական պատասխանատվություն է սահմանում 2023 թ. հոկտեմբերի 7-ի ահաբեկչությունները ժխտելու համար

Ինչ փոփոխություններ է առաջարկվում «Տեսալսողական մեդիայի մասին» օրենքում. Աժ-ն առաջին ընթերցմամբ ընդունել է ներկայացված նախագիծը

Պանաման բողոք է հղել ՄԱԿ-ի գլխավոր քարտուղարին Թրամփի հայտարարությունների դեմ

Ազգային ժողով-կառավարություն հարց ու պատասխան

Փոփոխություն` տրանսպորտի տոմսային փաթեթներում. մանրամասնում է քաղաքապետը

ՄԱԿ-ի գլխավոր քարտուղարը հանձնարարել է վերացնել Սիրիայի դեմ պատժամիջոցների մի մասը

ՀՀ օրհներգը կավարտվի` «Թող միշտ պանծա Հայաստան» տողով. նախագիծն ընդունվեց առաջին ընթերցմամբ

Աբրահամ Խաշմանյանը հերթական անգամ հեռացել է «Ալաշկերտ»-ից

ԱՄՆ-ի հարավում անոմալ ցրտից զոհերի թիվը հասել է 10-ի

ՀՀ վարչապետը հունվարի 23-ին կմեկնի Դավոս՝ մասնակցելու համաշխարհային տնտեսական ֆորումին