Գուտերեշն Ուկրաինայում հաշտեցման կոչ է արել
1 րոպեի ընթերցում
![Գուտերեշն Ուկրաինայում հաշտեցման կոչ է արել](http://armenpress.am/resized/480/static/news/b/2022/02/1076314.jpg)
ԵՐԵՎԱՆ, 23 ՓԵՏՐՎԱՐԻ, ԱՐՄԵՆՊՐԵՍ: Միավորված ազգերի կազմակերպության գլխավոր քարտուղար Անտոնիու Գուտերեշը Ուկրաինայում հաշտեցման կոչ է արել:
«Ժամանակն է հրադադար հաստատել և վերադառնալ երկխոսության ու բանակցային ուղի՝ հանուն Ուկրաինայի բնակչության փրկության»,- «Արմենպրես»-ի փոխանցմամբ, ասել է Գուտերեշը՝ ՄԱԿ-ի Գլխավոր ասամբլեայի նիստին:
Նա նշել է, որ իրենք շարունակելու են աջակցել խնդրի խաղաղ կարգավորման փնտրտուքներին:
Գուտերեշը նշել է, որ Ռուսաստանի կողմից Դոնեցկի և Լուգանսկի ժողովրդական հանրապետությունների ճանաչումը չի համապատասխանում ՄԱԿ-ի կանոնադրությանը և «Ուկրաինայի տարածքային ամբողջականության ու ինքնիշխանության խախտում է»: