Բայդենը պատժամիջոցներ Է սահմանել ԴԺՀ-ի եւ ԼԺՀ-ի նկատմամբ

2 րոպեի ընթերցում

ԵՐԵՎԱՆ, 22 ՓԵՏՐՎԱՐԻ, ԱՐՄԵՆՊՐԵՍ: ԱՄՆ-ի նախագահ Ջո Բայդենը հրամանագիր Է հրապարակել որոշակի անձանց ունեցվածքի արգելափակման եւ որոշակի գործարքների արգելման մասին, ինչը կապված Է Ռուսաստանի նախագահի կողմից ինքնահռչակ Դոնեցկի եւ Լուգանսկի ժողովրդական հանրապետությունների (ԴԺՀ-ի, ԼԺՀ-ի) անկախության ճանաչման հետ: Հրամանագիրը հրապարակվել Է Սպիտակ տան կայքում, տեղեկացնում Է «Արմենպրես»-ը:

«Ռուսաստանի Դաշնության կողմից այսպես կոչված Դոնեցկի ժողովրդական հանրապետության (ԴԺՀ) կամ Լուգանսկի ժողովրդական հանրապետության (ԼԺՀ) ճանաչումը, որոնք հանդիսանում են Ուկրաինայի տարածաշրջաններ, հակասում Է ըստ Մինսկի համաձայնագրերի Ռուսաստանի պարտավորություններին եւ Էլ ավելի Է սպառնում Ուկրաինայի խաղաղությանը, կայունությանը, ինքնիշխանությանն ու տարածքային ամբողջականությանը, եւ, այդպիսով, իրենից ներկայացնում Է արտասովոր ու արտակարգ սպառնալիք Միացյալ Նահանգների ազգային անվտանգությանն ու արտաքին քաղաքականությանը»,-ասվում Է հրամանագրում:

Հրամանագրով արգելվում են ներդրումները ԴԺՀ-ում եւ ԼԺՀ-ում, ինչպես նաեւ այս տարածաշրջաններից ցանկացած ապրանքի, ծառայությունների կամ տեխնոլոգիաների ներմուծումն ԱՄՆ: Բացի այդ, այս հրամանագիրը հնարավորություն Է տալիս պատժամիջոցներ դնել ցանկացած անձի վրա, որը կորոշի գործել ինքնահռչակ հանրապետություններում:

Ողջ ունեցվածքը եւ ունեցվածքի բաժինները, որոնք գտնվում են ԱՄՆ-ում կամ հետագայում կհայտնվեն ԱՄՆ-ում, եւ որոնք պատկանում են ԴԺՀ-ի եւ ԼԺՀ-ի հետ կապ ունեցող անձանց, կարգելափակվեն: Ռուսաստանի նախագահ Վլադիմիր Պուտինը ռուսաստանցիներին դիմելուց հետո փետրվարի 21-ի երեկոյան հրամանագիր ստորագրեց Դոնեցկի եւ Լուգանսկի ժողովրդական հանրապետությունների (ԴԺՀ-ի, ԼԺՀ-ի) անկախությունը ճանաչելու մասին, ինչպես նաեւ՝ համաձայնագիր ԴԺՀ-ի եւ ԼԺՀ-ի հետ բարեկամության ու փոխօգնության մասին: Սպասվում Է, որ Ռուսաստանի խորհրդարանի երկու պալատները ՌԴ նախագահի որոշումը կվավերացնեն փետրվարի 22-ի նիստերում, հաղորդել Է «Ինտերֆաքս»-ը:

Հայերեն Русский

ՀՀ փոխվարչապետն ու Չեխիայի դեսպանը քննարկել են առևտրի, տրանսպորտի, հանքարդյունաբերության ոլորտներում իրականացվող ծրագրերի ընթացքը

Ռուբինյանը պարզաբանել է, թե ինչու Սահմանադրությունում Անկախության հռչակագրին հղում ներառելը տրամաբանական չի համարում

Երեխաների իրավունքների պաշտպանության ոլորտում դեռևս կան լուծում պահանջող հարցեր․ ՄԻՊ-ի ուղերձը Երեխաների համաշխարհային օրվա առթիվ

Ուկրաինան հրթիռների և ԱԹՍ-ների զանգվածային հարձակման է ենթարկվել

Արտաշատում բացվել է վերակառուցված ու վերազինված պոլիկլինիկա

Հիմնանորոգվել է Ախուրյան, Կառնուտ, Հովիտ, Բասեն և Ջրառատ բնակավայրերը կապող 14 կմ ճանապարհը

ԱԺ նախագահն ընդդիմությանը կոչ է արել չխոչընդոտել սահմանադրական հանրաքվեին և գլխավորել «Ոչ»-ի շտաբը

«Երևանյան բեսթսելեր». «Մայրական կաթ» գիրքն՝ առաջատար. թարգմանական. հոկտեմբեր, 2026

ՀՀ ԱԽ քարտուղարն ու Էստոնիայի դեսպանը քննարկել են համագործակցության խորացմանն առնչվող հարցեր

Հայաստանում հիմնվում է ռոբոտաշինության և ֆիզիկական արհեստական բանականության կենտրոն. ARCS-ai-ի նոր նախաձեռնությունը