Թուրքիայում զբոսաշրջային ավտոբուս է կողաշրջվել. կան զոհեր
1 րոպեի ընթերցում
![Թուրքիայում զբոսաշրջային ավտոբուս է կողաշրջվել. կան զոհեր](http://armenpress.am/resized/480/static/news/b/2022/02/1075954.jpg)
ԵՐԵՎԱՆ, 19 ՓԵՏՐՎԱՐԻ, ԱՐՄԵՆՊՐԵՍ: Թուրքիայի կենտրոնական հատվածում զբոսաշրջային ավտոբուսի մասնակցությամբ տեղի ունեցած ճանապարհատրանսպորտային պատահարի հետևանքով առնվազն հինգ մարդ մահացել է: «Արմենպրես»-ի փոխանցմամբ, այս մասին հայտնում է թուրքական AHaber-ը՝ նշելով, որ դեպքը տեղի է ունեցել Աքսարայ և Քոնյա բնակավայրերի միջև:
Ավտոբուսը դուրս է եկել ճանապարհի երթևեկելի հատվածից և կողաշրջվել է: Տարբեր աստիճանի վնասվածք է ստացել 26 մարդ: Վիրավորները տեղափոխվել են մոտակա հիվանդանոցներ: