G7-ի ԱԳՆ ղեկավարները Գերմանիայում կանցկացնեն Ուկրաինային նվիրված շտապ հանդիպում. Kyodo
2 րոպեի ընթերցում
![G7-ի ԱԳՆ ղեկավարները Գերմանիայում կանցկացնեն Ուկրաինային նվիրված շտապ հանդիպում. Kyodo](http://armenpress.am/resized/480/static/news/b/2022/02/1075682.jpg)
ԵՐԵՎԱՆ, 16 ՓԵՏՐՎԱՐԻ, ԱՐՄԵՆՊՐԵՍ: Յոթի խմբի (G7) արտաքին գործերի նախարարները այս շաբաթ պլանավորում են շտապ հանդիպում անցկացնել Գերմանիայում: Փետրվարի 16-ին այդ մասին հաղորդել Է Kyodo գործակալությունը, տեղեկացնում Է «Արմենպրես»-ը: Ենթադրվում Է, որ G7-ի արտաքին քաղաքական գերատեսչությունների ղեկավարների հանդիպումը տեղի կունենա Մյունխենի անվտանգության խորհրդաժողովում:
Գործակալության կառավարական աղբյուրների տվյալներով՝ հանդիպման թեմա պետք Է դառնա Ուկրաինայի շուրջ իրադրությունը: Ճապոնիայից հանդիպանը պետք Է մասնակցի արտգործնախարարության ղեկավար Յոսիմասա Հայասին: Պետությունների եւ կառավարությունների մոտավորապես 35 ղեկավաներ կմասնակցեն Մյունխենի անվտանգության խորհրդաժողովին, որը տեղի կունենա փետրվարի 18 – 20-ը:
Սպասվում Է, որ ԱՄՆ-ը կներկայացնեն փոխնախագահ Քամալա Հարիսը եւ պետքարտուղար Էնթոնի Բլինկենը, Գերմանիայի պատվիրակությունը կգլխավորի կանցլեր Օլաֆ Շոլցը: Նաեւ սպասվում Է խորհրդաժողովին Ուկրաինայի նախագահ Վլադիմիր Զելենսկու մասնակցությունը: Վերջին ժամանակներս Արեւմուտքի երկրներում, ինչպես նաեւ Կիեւում հնչում են հայտարարություններ Ուկրաինայի տարածք Ռուսաստանի հնարավոր ներխուժման մասին: Ռուսաստանի նախագահի մամուլի քարտուղար Դմիտրի Պեսկովը նման տեղեկատվությունը որակել Է լարվածության սին եւ անպատասխանատու բորբոքում:
Նա ընդգծել Է, որ Ռուսաստանը ոչ մեկի համար սպառնալիք չի ներկայացնում: Ըստ որում նա չի բացառել սադրանքների հնարավորությունն՝ այդ հայտարարությունների արդարացման համար, եւ նախազգուշացրել Է, որ Ուկրաինայի հարավ - արեւելքում ճգնաժամի ուժային լուծման փորձերը կունենան ամենալուրջ հետեւանքները, հաղորդել Է ՏԱՍՍ-ը: