Իտալիայի արտգործնախարարը կայցելի Կիև
1 րոպեի ընթերցում
![Իտալիայի արտգործնախարարը կայցելի Կիև](http://armenpress.am/resized/480/static/news/b/2022/02/1075571.jpg)
ԵՐԵՎԱՆ, 14 ՓԵՏՐՎԱՐԻ, ԱՐՄԵՆՊՐԵՍ: Իտալիայի արտաքին գործերի նախարար Լուիջի Դի Մայոն փետրվարի 15-ին կայցելի Կիև: «Արմենպրես»-ի հաղորդմամբ՝ այս մասին հայտնել է ՏԱՍՍ գործակալությունը:
«Ռուսաստանի և Ուկրաինայի միջև լարվածությունը թուլացնելու և ճգնաժամի դիվանագիտական լուծում փնտրելու Իտալիայի ջանքերի շրջանակում արտգործնախարար Լուիջի Դի Մայոն կմեկնի Կիև»,-ասված է ԱԳՆ-ի տարածած հայտարարությունում:
Նշվում է, որ Դի Մայոն կվերահաստատի Իտալիայի լիակատար աջակցությունն Ուկրաինայի ինքնիշխանությանն ու տարածքային ամբողջականությանը` սերտ համակարգմամբ ԵՄ գործընկերների և ՆԱՏՕ-ի դաշնակիցների հետ: