1 րոպեի ընթերցում
ԵՐԵՎԱՆ, 9 ՓԵՏՐՎԱՐԻ, ԱՐՄԵՆՊՐԵՍ: Ռուսաստանից պաշտոնական դեմքեր չեն մասնակցելու Մյունխենի անվտանգության համաժողովին: Ինչպես փոխանցում է«Արմենպրես»-ը, այս մասին լրագրողների հետ ճեպազրույցում ասել է Ռուսաստանի ԱԳՆ պաշտոնական ներկայացուցիչ Մարիա Զախարովան:
Նրա խոսքով՝ Մյունխենի անվտանգության համաժողովը վերջին տարիներին ավելի շատ ձևափոխվել է «տրանսատլանտյան համաժողովի»՝ կորցնելով ներառականությունն ու օբյեկտիվությունը:
Ավելի վաղ ՌԴ նախագահի խոսնակ Դմիտրի Պեսկովը հայտնել էր, որ Վլադիմիր Պուտինը չի ծրագրում այս տարի մասնակցել համաժողովին: